lewisli 發表於 24-9-2017 19:55:38

Bold Forms三變麥加登玩評

Bold Forms三變麥加登玩評

前言:

唔知有否資料錯誤,Bold Forms 就我所知其實是一人公司(?有錯請指正),由設計、開發、宣傳、試模、揾廠商,好似都係一人負責。而BF之前亦只出過一隻產品:可夾官方CW系列的G1形象車主。當時FB顯示原本有計劃出埋衝鋒派其他角色,不過因為車主不受歡迎而胎死腹中。(其實車主本身設計的賣點很擊中要求,奈何產品質量差,價錢更>$800!收皮都很合理。)

這一隻三變麥加登在2015年中已宣布開發,初初還包括有柯柏文殘骸的地台,之後完全冇聲氣年多時後,又在FB宣佈仍在開發,甚至可以透過換甲以更改顏色。當然現在看這些全部都沒有兌現。而開發者曾揚言不喜歡塗裝,所以會嘗試調教出有金屬感的原膠色。結果?就是現在很膠的膠灰色⋯⋯

https://scontent.fhkg4-1.fna.fbcdn.net/v/t1.0-9/21766774_10214854539502512_8472168119655439002_n.jpg?oh=334440f17d637875174668bae621fea9&oe=5A48B138

不過我對於這三變麥加登仍是引頸以待,因為本人一直覺得G1麥加登變槍好奇怪:變成支槍反而細過原本手臂上嗰支炮,變嚟做乜?之後有設定把麥加登變成坦克,我覺得合理好多,但感情上又好似唔係原本嘅G1⋯咁其實有冇可能有「滿足兩個願望」的「出奇蛋」呢?所以,當上年宣布呢隻未胎死腹中時,本人儍瓜地歡喜了一陣子,不過之後又係音訊全無直至個多月前。雖然玩評似乎不佳,不過我仍很雀躍。

第一印象:

都算幾差,一攞起,右前臂因為支炮太重以致自轉90度炮在下手掌向上,然後發覺因設計失誤,右肩容易因炮重而有輕微跌膊,再來就是脚板接地不足,另外兩邊側裙甲冇扣實,極容易走位。在擺pose期間,以下動作不斷重複:肩甲擺新pose後走位,調整後前臂自轉,處理完再要拍番埋左右兩側裙甲,然後發現接地不足要再調整⋯⋯
不過假如你忍到手冇一嘢丟咗佢落垃圾筒,或者竟然像我一様可以接受這些缺點,咁優點就會慢慢出嚟⋯

1)外形

因為純膠色、零塗裝(除面相油了銀色外),的確似素組模型。不過其實人形比例算唔錯,佢冇MP36的大頭缺腰,亦冇MT的粗小腿,不過面相就好一般(即使有4個面相),而且側望頭形有點太偏,不過可「低頭帥十倍」。

背脊唔乾淨有黑色膠條,不過我因為佢可以三變,所以偏心地接受了。

https://scontent.fhkg4-1.fna.fbcdn.net/v/t1.0-9/21687614_10214854539222505_6912498660870320309_n.jpg?oh=28e9f1372800f709bc31644b992f100a&oe=5A587D28

https://scontent.fhkg4-1.fna.fbcdn.net/v/t1.0-9/21762125_10214854539822520_2441365761183442425_n.jpg?oh=a189051f55c7351b2ec4ca4b4cfc95ea&oe=5A55ED15

而實際上從比較圖可見,拍埋官方坦克麥、MP和MT,除咗你話佢膠啲之外,不論人形、槍形或坦克,我都唔認為佢有明顯輸蝕。

https://scontent.fhkg4-1.fna.fbcdn.net/v/t1.0-9/22045714_10214854533062351_2288249907938808427_n.jpg?oh=e31595f4e2b43ac84de15e3f43f7ddd2&oe=5A4BA29A

https://scontent.fhkg4-1.fna.fbcdn.net/v/t1.0-9/21761805_10214854537822470_3397004971775024532_n.jpg?oh=6c8df56d41ceee2b77beaa87d96739e1&oe=5A4D37EB

https://scontent.fhkg4-1.fna.fbcdn.net/v/t1.0-9/21762130_10214854538142478_7546192406037083556_n.jpg?oh=42c9fffae4e025de146ba9ec75e76b03&oe=5A3B765D

https://scontent.fhkg4-1.fna.fbcdn.net/v/t1.0-9/21687413_10214854538222480_7721383352557302245_n.jpg?oh=ee0f5664b404c23dd71841489283b928&oe=5A4B28D8


槍形算非常好(除了冇塗裝純膠色外),啱手握的大小,板機位有像MP36的小穿崩。不過本人其實最介意是那個變岀來的槍托唔靚,不過幸好可以簡單的透過拆了兩粒鏍絲拆咗個槍托,而重點係人形外觀冇很大影響(除咗由後面望之外)。

https://scontent.fhkg4-1.fna.fbcdn.net/v/t1.0-9/21687850_10214854535062401_3908403888686195982_n.jpg?oh=53686fcc0d131e28abdc2127e5e6653d&oe=5A58F97F

https://scontent.fhkg4-1.fna.fbcdn.net/v/t1.0-9/21764852_10214854535262406_5236474195608444814_n.jpg?oh=1fb4f4cf3c6e27a125205e1d9a341dc9&oe=5A84BA09

https://scontent.fhkg4-1.fna.fbcdn.net/v/t1.0-9/21768375_10214854535742418_7624856347452912460_n.jpg?oh=b4947737e390066039d3e9096fecc61f&oe=5A5117D4

https://scontent.fhkg4-1.fna.fbcdn.net/v/t1.0-9/21765294_10214854533262356_2052266787518838848_n.jpg?oh=693d6314dbb3bef3bce2c1502dd34d3c&oe=5A515DEC

https://scontent.fhkg4-1.fna.fbcdn.net/v/t1.0-9/21766452_10214854538462486_4119799519300535241_n.jpg?oh=4bd301fdb393e46890ac85589a7eaa1f&oe=5A5517F2

https://scontent.fhkg4-1.fna.fbcdn.net/v/t1.0-9/21687554_10214854538702492_5500446786985865676_n.jpg?oh=a6ea57786a8a0828b3d286c193ef77b7&oe=5A484238


坦克外形個人認為唔差,插件炮管可上下移動,論外形好過當年megasteel隻單變坦克麥。

https://scontent.fhkg4-1.fna.fbcdn.net/v/t1.0-9/21686502_10214854533142353_6576320058113712767_n.jpg?oh=387d54463149f09eac917a91338fa405&oe=5A4FED41

https://scontent.fhkg4-1.fna.fbcdn.net/v/t1.0-9/21762200_10214854535982424_6911859825187698865_n.jpg?oh=f0b48d64d73abb008b5d515309db2053&oe=5A547F9C

https://scontent.fhkg4-1.fna.fbcdn.net/v/t1.0-9/22045985_10214854536422435_6071844060869685457_n.jpg?oh=678f8db7659a29cf8827bd069bde2c83&oe=5A3FE1E7

2)可動
槍的板機不能回彈(冇彈簧);坦克冇得推車,假履帶,炮台不能轉但炮管可上下移動。
人形要有的可動關節都有,有轉腰但冇彎腰關節。十指中大姆指不可動,其他八指各有一個可動關節。肩部雙關節,可以像MP36咁肩部向前拉。肩、hip和膝關節是格格關節較緊,其他關節全部尚算OK(啲啲鬆但擺pose冇問題),不過大問題在:1)肩的雙關節中其中一個非格格關節,有時因唔夠緊以致「跌膊」(唔係甩膊),尤其右手。2)前臂平轉關節鬆,右前臂因支炮重量而不時自轉90度向下。3)最大問題,接地關節幅度細和唔夠力,某些pose企得唔夠穩,不過正經企或正常pose係冇問題(圖中姿勢全部企得穏)


3)變形

真正吸引優勝的地方!首先一定要講說明書,在完全冇睇視頻情況下,槍形複雜得嚟唔難變,我相信係因為說明書用33 steps去好清楚指示;但坦克我覺得難變,原因係說明書只用了11 steps去指示,而且第7個step擺咗去第1個step度講,次序錯咗以致我完全唔知點做。
變形有心思,雖然不少幼條但似乎用膠得宜,每形態來回2次都未有絲毫白化情況。每個步驟你會知道點解要咁做(vs MP36的肩/上臂變形時嗰種亂法)。槍的變形唔夠MP36驚喜,但一想到一支完整的槍能變成一架坦克,就忍不住講句「咁都俾你變到」。來回變完一次後已經不再須要翻看說明書,較MP36易變。原本想鬧雙臂的變形為咗lock死而將簡單複雜化很多餘,但其實只要懂得竅門後就可一步到位,我就唔再投訴。另外坦克嗰兩支炮的插入唔太順暢。


4)QC

主要問題在人形,很多應有的扣位冇咗(側裙甲、膝位對上的變形部件),有的又唔夠實(例如腰、背條),雙肩「跌膊」、前臂自轉、接地唔夠力等。總之兩個字:鬆散。

但槍形就非常扎實抵讚,啪得實更冇乜走位。而坦克底盤亦有足夠緊實的扣位算扎實,唯一只有手臂變成的炮台互相啪實後會彈番開。變形過程中偶然前裙甲和履帶會跌出,不過可以輕易回位(其實履帶可以自己黏實佢)
話說手掌有扣位可以握劍但我冇試過。追擊槍插件可自組炮台但我未試。另外槍形時插入追撃部件後,前槍咀有機會在垂下時敵不過地心吸力⋯⋯


總評:

BF呢隻三變麥加登,我會形容係「一個內容非常精彩但presentation好差的演講」(vs MMC IDW麥就似一隻presentation非常亮麗但內容乏善足陣),可以講和MMC隻 lDW麥係各走極端。如果你玩老變,主要玩人形、擺pose容易又靚仔,變形冇乜所謂、載具不太計較的話,呢隻在你手中未必捱過15分鐘已經丟入垃圾筒。但如果你玩老變,和我一樣係會欣賞個變形設計,同時要求人形和載具的完整性,希望有「咁都俾你諗到」的驚喜,你可能會對呢隻愛不釋手。

$650-680值唔值見仁見智,其實除咗官方、以及新廠隻三變彈簧,其他第三方三變都~$650-$750。其他大致同價的選擇,可以係相對平衡的Dx9槍麥,或是亮麗外表的MMC lDW麥

如果呢個設計由BC出,加上適當塗裝,絶對可以是一隻神作,可惜宜家浪費咗。不過我個人是滿足的,相信也會是本人最後一隻G1麥加登,畢竟,三變槍和坦克的麥加登,除了是「前無古人」,也可能是「後無來者」。

S2000AP1 發表於 25-9-2017 08:58:58

很詳盡的介紹/玩評{:1_377:}

有時三廠嘅設計真係會俾到玩家更大嘅驚喜(雖然冇license),所以我一直都好尊敬設計嘅人!

題外話:話說我當年入手某三廠G1麥加登,卻被一狂莽者以鄙視口吻話呢D「翻版」.......
我當時心諗:翻左正版D乜!?{:1_375:}。

S2000AP1 發表於 26-9-2017 21:43:26

S2000AP1 發表於 25-9-2017 08:58 AM
很詳盡的介紹/玩評

有時三廠嘅設計真係會俾到玩家更大嘅驚喜(雖然冇license),所以我一直都好尊 ...

其實叫乜都其次,態度先係問題..............

lewisli 發表於 26-9-2017 22:49:42

S2000AP1 發表於 26-9-2017 09:43 PM
其實叫乜都其次,態度先係問題..............

咁就純粹理性討論一吓。先排除了那些直接放大縮小copy and paste的KO廠,的確第三方在變形金剛系列中是非常活躍,甚至已經和官方平分客源。其他玩具界別,我認識不多,但以超合金或塞機為例,即使競爭也只在二、三間廠之間,但仍然是一廠獨大(例如笨大)

近來的變形金剛發展,已經很多次是同一個角色,同時三間第三方開發,在如斯劇烈競爭下,技術上的進步,品質上的穩定,對玩家反映意見,都不斷改善跟進。而為了突圍而出,不同系列、風格、大細、甚至很多被忽視的角色,都受不同廠商的重視,甚至去到一個地歩,返轉頭令官方MP系列也必須提升自己的產品質素和開發技術,以便和第三方爭取同一批客源。而即使非MP系列,留意到近期titian return系列的質素和變形設計,都有回勇的表現。如果你是老變迷,你會知道不斷有新產品新系列開發,非常目不暇給。玩家可以有很多選擇,「有得揀,你就係老闆」。

相反其他玩具系列,就譬如近來的「天威勇士」,10多年前笨大出咗,唔滿意又如何?市場冇其他同類型選擇,只有Q版或可動figure。十多年後的今日,終於千值練出,但品質又有問題又貴,咁點?然後笨大改少少嘢,最為人垢病的問題(例如下盤太粗、身形奇怪,依然冇改善),卻加你價,睇死班玩家冇得揀。另一個一模一樣的例子就是「超獸機神」。我當然知道當中涉及很多版權法律問題,但在玩家立場,但如一個角色笨大唔出,你呢一世都唔會等到有其他廠出。你只能夠求神拜佛,希望唔知幾時笨大或其他廠肯出某角色之餘,更要唔好出得差,因為呢個可能係你呢世人,唯一見到呢個角色嘅產品出現的機會。

你未必認同,不過我個人認為,以玩具開發技術、性價比、以及產品類別的說,變形金剛呢個巿場係有一種優勢。而這種優勢,正正是因為「第三方」的存在。

roystoy 發表於 27-9-2017 07:43:02

有心有愛的報告,支持。

pastng 發表於 27-9-2017 11:27:05

lewisli 發表於 26-9-2017 10:49 PM
咁就純粹理性討論一吓。先排除了那些直接放大縮小copy and paste的KO廠,的確第三方在變形金剛系列中是非 ...

認同樓主說法{:1_377:}支持{:1_226:}

S2000AP1 發表於 27-9-2017 16:22:27

lewisli 發表於 26-9-2017 10:49 PM
咁就純粹理性討論一吓。先排除了那些直接放大縮小copy and paste的KO廠,的確第三方在變形金剛系列中是非 ...

絕對認同!lewisli大咁有心打咁多字,唔回唔得呀!
首先,我之前嘅回覆已表明我會尊敬第三方嘅設計師,(當然你講放大縮小嘅KO除外,其實根本已經分開計,基本上大部分人會叫KO/knock off,而唔會叫第三方。)第三方除左冇license之外,其餘設計同開模都係三廠自行開發嘅。
例如第三方破壞者、震波、G1麥加登等

承小弟上面嘅留言,如果心水清,除左lewisli大介紹嘅呢隻G1麥加登之外,市場上另外果三隻第三方變鎗G1麥加登都係早過TT社嘅mp36推出!所以叫第三方做翻版真係講唔通!
頁: [1]
查看完整版本: Bold Forms三變麥加登玩評